Korrupsiya mavzusiga kunora duch kelamiz – xoh og‘zaki muloqotda bo‘lsin, xoh ijtimoiy tarmoq sahifalarida. Davlat amaldorlari va davlat puli bir-biriga birikib ketgan tushunchaga aylangan go‘yo. Mashhur olimlar Rey Fisman va Miriam A. Goldenning “Korrupsiya: Har kim uchun zaruriy bilim” asarida korrupsiya mamlakatlarning siyosiy, ijtimoiy va iqtisodiy nufuziga zarar keltirishi chuqur tahlil etiladi. Iqtisod qanday qilib izdan chiqariladi? Hukumat amaldorlarining noqonuniy xatti-harakatiga toqatning oqibati qanday? Korrupsiyaga qarshi kurash bo‘yicha mamlakatlar tajribalari qanday? Bu kabi savollarga javobni mazkur kitobdan topasiz.