Iqtisod sohasida “Nobel” mukofoti laureatlari er-xotin Abhijit Banerji va Ester Dyufloning “Ogʻir davrlar uchun yaxshi iqtisodiyot” kitobida ijtimoiy-iqtisodiy muammolarni yengishda islohotlar ahamiyati haqida so‘z boradi. Asarda kambag‘allikka qarshi kurashishning samarali yechimlari aks etgan. Ular oxirgi iqtisodiy tadqiqotlarga tayanib real vaziyatni tahlil etadilar, iqtisodiy siyosatlardagi ko‘plab stereotiplarni inkor etadilar. Masalan, migratsiya mehnat bozori uchun jiddiy tahdid emasligini amaliy misollar bilan ko‘rsatadilar. Zamonamizning murakkab mavzusi borasidagi mulohazalar sodda va tushunarli ifodalangan.